Уятсыз видеолорду жиберип... Ошто акимдин орун басары ыдык көрсөтүүгө айыпталууда (видео)

Ош облусунда акимдин орун басары 28 жаштагы кызга ыдык көрсөткөнү үчүн кармалды. Бул тууралуу бүгүн, 11-сентябрда ИИМдин басма сөз кызматы билдирди.

Маалым болгондой, ал кызды материалдык жактан камсыздоону убада кылуу менен сексуалдык мүнөздөгү аракеттерге мажбурлап, уюлдук телефон аркылуу уятсыз сүрөттөрдү жана видеолорду жөнөтүп турган.

Бул факт боюнча Кылмыш-жаза кодексинин 156-беренеси (Сексуалдык мүнөздөгү аракеттерге мажбурлоо) менен кылмыш иши козголгон. Натыйжада райондук мамлекеттик администрациянын башчысынын орун басары болуп иштеген 38 жаштагы А.А. аттуу жаран кармалды. Соттун чечими менен ага карата камакка алуу баш коргоо чарасы тандалып алынды.

Азыркы учурда тергөө иштери улантылып жатат.