Кыргыз балбан кызы Айпери Медет кызы Хорватияда өтүп жаткан спорттук күрөш боюнча дүйнө чемпиондугунда жарым финалга чыкты. Ал 76 килограммга чейинки салмак ченинде күч сынашууда.
Айпери таймашты 1/8 финалдан баштап, анда түркиялык Элмира Ясинди 10:0 эсебинде таза жеңип, кийинки айлампага өттү. Чейрек финалда балбан кыз АКШнын Панамерика чемпиону Кэйли Рене Уэлкер менен беттешип, аны да ишенимдүү түрдө 8:3 эсебинде жеңип алды.
Медет кызы жарым финалда Европанын учурдагы чемпиону украиналык Анастасия Алпеева менен беттешмекчи. Беттеш Бишкек убактысы боюнча саат 20:30да башталат.