Нурзат Нуртаева дүйнө чемпиондугунун коло байге ээси болду (видео)

Хорватияда өтүп жаткан күрөш боюнча Дүйнө чемпиондугунда Нурзат Нуртаева коло байге ээси болду.

72 килограммдык салмак ченинде күч сынашкан Нуртаева коло үчүн франциялык Полин Лекарпантье менен күрөшүп, 5:0 эсебинде жеңип алды. Спортчу айым турнирде алгач казакстандык Жамиля Бакбергенованы жеңип, чейрек финалга жолдомо алган. Чейрек финалда америкалык Александрия Гладды 8:4 эсебинде утуп, жарым финалда украиналык Алла Белинскаяга жеңилип калган.

Муну менен Нурзат Нуртаева Дүйнө биринчилигинен коло байге уткан кыз-келиндер күрөшүндөгү үчүнчү кыргызстандык болуп калды. Буга чейин Айсулуу Тыныбекова 2017-жылы, Айпери Медет кызы 2021-жылы коло медалга ээ болгон.