Бишкекте жолдошу тарабынан сабалган аял ооруканага түштү

Бишкекте аялын сабаган эркек киши кармалды. Бул тууралуу бүгүн, Ленин РИИБинин басма сөз кызматы билдирди.

Маалым болгондой, кечээ, 19-сентябрда "102" кызматына шаардык клиникалык ооруканага денесинен жаракат алып, оор абалда М.Ы. аттуу жаран барганы боюнча билдирүү түшкөн.

Бул факты боюнча Кылмыш-жаза кодексинин 130-беренеси (Ден соолукка оор залал келтирүү) боюнча кылмыш иши козголду.

Натыйжада шектүү катары жабырлануучунун күйөөсү 1971-жылы туулган Н.Н. милиция кызматкерлери тарабынан кармалып, убактылуу кармоочу жайга киргизилди.

Учурда тергөө иштери улантылып, тиешелүү экспертизалар дайындалды.

Автор: Замира Ниязбекова