Асан Жанышов чейрек финалда ирандык балбанга жеңилип калды

Хорватияда өтүп жаткан спорттук күрөш боюнча Дүйнө чемпиондугунун чейрек финалында кыргыз балбаны Асан Жанышов ирандык Алиреза Мохмадипианиге жеңилип калды.

Ал грек-рим күрөшү боюнча 87 килограмм салмакта күч сынашууда.

Кыргыз балбаны 1/8 финалга чыгуу үчүн түркиялык Хасан Килинч менен кармашып, аны 6:5 эсебинде утуп алды. Ал эми чейрек финалга чыгуу үчүн азербайжандык балбан Ислам Аббасов менен кез келип, 4:3 эсебинде жеңишке жетти.

Мохмадипиани финалга чыкса, Жанышовдо коло медалга күрөшүүгө мүмкүнчүлүк жаралат.

Автор: Замира Ниязбекова