Өлкөдө туруксуз аба ырайы күтүлөт

Кыргызстандын аймактарында 23-сентябрь күндүзү жана 24-сентябрда түнкүсүн туруксуз аба ырайы күтүлөт. Бул тууралуу Кыргызгидромет кызматы билдирди.

Билдирүүгө ылайык, бул күндөрү Чүй, Ысык-Көл, Нарын облустарынын айрым жерлеринде, Жалал-Абад облусунун тоо этектеринде жана тоолуу райондорунда жаан-чачын катуу жаашы мүмкүн. Абанын температурасы төмөндөйт.

Батыштан соккон шамалдын ылдамдыгы секундуна 4-9 метрден, айрым жерлерде 15-20 метрге жетиши күтүлөт.

Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.

Автор: Айжанар Рыспек кызы
Фото: интернеттен алынды