Аламүдүндө алдамчылыкка шектелип 34 жаштагы айым кармалды

Аламүдүн районунда алдамчылыкка шектелип 34 жаштагы айым кармалды. Бул тууралуу бүгүн, 24-сентябрда Чүй облустук ички иштер башкармалыгы билдирди.

Маалыматка ылайык, 12-сентябрда милицияга кайрылган 47 жаштагы киши 2023-жылдын 13-ноябрында 34 жаштагы жаран ишенимине кирип, жалпы суммасы 11 миңден ашык долларга куртка алып, акчасын бир апта ичинде кайтарып берүүнү убадалап, бирок милдеттенмесин аткарбай качып кеткенин айткан.

Факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Тергөөдө шектүү былтыр март айында аты-жөнүн өзгөртүп алганы аныкталган. Натыйжада ал кармалып, камакка алынды.

Учурда шектүүнүн дагы ушул сыяктуу кылмыштарга тиешеси бар же жок экендиги текшерилүүдө.

Автор: Кылымбек Бейшеев
Фото: Чүй ОИИБ