Испаниянын "Реал Мадрид" футбол клубун тосуп алууда Алматынын көчөлөрү күйөрмандарга толду. Алар сүйүктүү оюнчуларын сүрөөн кыйкырыктар менен тосуп алышты.
Оюнчулар аэропорттон чыкканда казактын улуттук кийимин кийген музыканттар Чемпиондор Лигасынын гимнин салттуу аспаптарда ойношту. Аталган клубдун оюнчулары үчүн Алматыдагы эң мыкты мейманкана толугу менен брондолуп, күч түзүмдөр тарабынан курчоого алынды.
Реалчылар Чемпиондор Лигасынын 2-турунда Казакстандын "Кайрат" футбол клубу менен беттешет. Оюн эртең, 30-сентябрда 26 миңден ашуун көрүүчүгө ылайыкташкан Алматынын борбордук стадионунда өтөт.