Токмокто баңгизат колдонуп алган айдоочу жөө өтмөктөн апасы менен 5 жаштагы кызды сүздү

Чүй облусунун Токмок шаарында айдоочу жолдон өтүп бара жаткан 5 жаштагы кызды апасы менен сүзүп, кыз ооруканага жетпей каза болду. Бул тууралуу Чүй облустук милициясы билдирди.

Маалыматка ылайык, кырсык кечээ саат 11:30 чамасында болгон. Анда 41 жаштагы Mazda Demio үлгүсүндөгү автоунаанын айдоочусу жөө өтмөктө бара жаткан эне-баланы сүзүп кетти. 5 жаштагы бөбөк ооруканага жетпей үзүлгөн, апасы оор жаракат алып Токмок шаардык ооруканасынын жандандыруу бөлүмүнө жаткырылды.

Окуя болгон жерге тергөө-ыкчам тобу чыккан. Медициналык кароонун актысына ылайык, айдоочу унааны баңгизат колдонуп алып башкарып жүргөнү аныкталды.

Бардык зарыл экспертизалар дайындалып, тергөө иштери уланууда.

Автор: Айсулуу Урустамова