Бишкектеги көп кабаттуу үйлөрдүн курулушу текшерилүүдө

Курулуш министрлигинин кызматкерлери бул ирет борбор калаанын Байтик баатыр көчөсү, 1е дарегинде курулуп жаткан көп кабаттуу турак жай комплексин текшерди. Бул тууралуу Министрликтин басма сөз кызматы кабарлады.

Маалыматка ылайык, иш-чарага Мамлекеттик архитектура-курулуш контролдоо департаментинин директорунун орун басары Руслан Суракматов жана Курулушту сертификаттоонун республикалык борборунун директорунун орун басары Адилет Тойчубеков катышты.

Текшерүү учурунда көчмө лабораториянын адистери объектидеги бетондун сапатына карата тиешелүү сыноолорду өткөрдү. Изилдөөлөрдүн жыйынтыгы боюнча курулуш материалдарынын ченемдик талаптарга шайкештиги тууралуу корутундулар берилери маалыматта кошумчаланат.

Автор: Жазгүл Жаңыбаева
Фото: Курулуш министрлиги