Кара-Суу шаары дизайн-код боюнча иретке келтирилүүдө (фото)

Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Кара-Суу шаардык шаар куруу жана архитектура башкармалыгы тарабынан Кара-Суу шаарынын дизайн-коду иштелип чыгып, анын негизинде иштер жүргүзүлүүдө. Бул тууралуу бүгүн, 30-сентябрда Курулуш министрлигинен билдиришти.

Маалым болгондой, учурда Кара-Суу шаарынын Жунусов көчөсү иретке келтирилди.

Мекеме бул өзгөрүүлөр шаар тургундарынын жашоо сапатын жакшыртууга, кооз жана ыңгайлуу архитектуралык шаар чөйрөсүн түзүүгө багытталганын кошумчалады.

Белгилей кетсек, 2024-жылдын 25-июлунда Кара-Суу шаардык кеңеши тарабынан токтом кабыл алынып, анда имарат, курулмалардын фасаддарынын сырткы көрүнүшүнө коюлуучу талаптар, көрнөк-жарнак конструкцияларын жайгаштыруу жана пайдалануу эрежелери бекитилген.

Автор: Ширин Марат кызы
Фото: Курулуш министрлиги