Ак-Ордо-3төгү өлүм менен аяктаган окуяда аман калган аялдын качып бара жаткан видеосу тарады

Бишкектин Ак-Ордо-3 конушунда 2 адам бычакталып өлтүрүлгөн окуяда өспүрүм балдары менен качып кеткенге жетишкен аялдын видеосу интернет желесине тарап жатат.

Анда кичинекей баласын колуна көтөрүп качып бара жаткан аялдын артынан эле эки жаш кыз келе жаткандыгын байкоого болот. Алардын өтүп бара жатканы аталган райондогу үйлөрдүн бириндеги байкоочу камера түшүп калган.

Окуя боюнча маалыматты SUPER.KG порталына укук коргоо органдары тастыкташты. Учурда кылмышка шектүү изделүүдө. Кылмышкердин колунан бир аял киши жана бир эркек ажал тапкан.

Буга чейин каза болгон эркектин жубайы кылмыш учурунда коркконунан балдарын алып качып кеткени айтылган.