Футбол боюнча Кыргызстан жаштар курама командасы машыгуу сборун улантууда

Азырынча команда өз ара күчтөрүн сынашууда. Жолдоштук беттеш 20-январга пландаштырылган.

18-январда командага Жыргалбек уулу Кайрат жана Мусабеков Фархат келип кошулат. Алар улуттук курама команданын курамында Кувейтте машыгуу сборун өткөрүп жатышат.

Азырынча команда өз ара күчтөрүн сынашууда. Жолдоштук беттеш 20-январга пландаштырылган.

Команданын башкы машыктыруучусу Анарбек Ормонбеков "Шериктештик кубогу-2014" мелдешинде негизги максат тайпадан чыгуу экенин билдирди.

Футбол боюнча Кыргызстан жаштар курама командасы "Шериктештик кубогу-2014" мелдешине даярдык иретинде Катарда машыгуу сборун улантууда. Бул тууралуу бүгүн, 17-январда КРнын Футбол федерациясынан маалымдашты.

Маалыматка ылайык, кечээ, 16-январда жаштар курама командасы толук курам менен өспүрүмдөр арасындагы өтүп жаткан “Al Kass International” мелдешинде “Манчестер Сити”-“Aspire” командаларынын оюнуна күбө болду. Андан тышкары Доха шаарында машыгуу сборун өткөрүп жаткан орусиялык “Зенит” клубунун машыгуусуна көз салышты. Бүгүн, 17-январда команда эс алат. 20-январга жаштар курама командасы менен жергиликтүү “Аль Харитият” клубунун ортосунда жолдоштук беттеш орун алат.

Автор: Максат Кудайбердиев