Казакстанда өткөн Ерлан Байбатыровдун 60 жылдыгына арналган республикалык деңгээлдеги ат чабышта кыргыз күлүгү Каракыз аламан байгеде биринчи орунду алды.
Мааракелик тойдогу жарышка казак менен кыргыздын 50 күлүгү катышкан. Тулпарлар 27 чакырым аралыкка чабылган.
Эске салсак, Каракыз – кыргыздын сыймыгы болгон, элге таанылган тулпарлардын бири. Ал буга чейин көптөгөн жарыштарда катышып, көп жолу жеңишке жеткен.
Астана шаарында өткөн V Дүйнөлүк көчмөндөр оюндарында аламан байгеде үчүнчү орунду алган.