Бүткүл дүйнөлүк бокс кеңешинин президенти Хосе Сулайман дүйнө салды

Хосе Сулайман бокс жаатында бир катар эрежелерди иштеп чыккан. Анын көбү мушкердин жаракаталуусунун алдын алууга багытталган.

Ал акыркы күнүнө чейин мушкерлер менен байланышты тыгыз кармап, бокс боюнча уюшулган саамалыктарга сөзсүз чакырылчу. Мэнни Пакьяо менен...

WBC версиясынын чемпиондук наамынын аброюн көтөрүүгө анын салымы чоң эле. Мушкер Леннокс Льюс менен...

2012-жыл. Супер оор салмакта украиналык Виталий Кличко менен Мануель Чаррдын ортосундагы беттеш алдында жолугушууга Хосе Сулайман да келген.

Бүгүн, 17-январда чет элдик маалымат булактары кабарлагандай, Бүткүл дүйнөлүк бокс кеңешинин (WBC) президенти Хосе Сулайман Лос-Анжелестеги бейтапканалардын биринде 83 жаш курагында көз жумду.

Маркумдун уулу Сулайман Маурисионун, айтымында Хосе Сулайман көпкө созулган жүрөк оорусунун жыйынтыгында каза болду.

“Бокстун атасы” деген атка конгон Сулайман 1931-жылы Мексикада төрөлгөн. 16 жашында профессионалдык бокс чөйрөсүнө аралашкан “бокстун атасы” 1975-жылы аталган кеңештин президенти болуп шайланып, өмүрүнүн аягына чейин ушул кызматты аркалап келген. Анын ысымы 2007-жылы бокстун “Эл аралык атак даңк сарайына” киргизилген.

Автор: Максат Кудайбердиев