Садыр Жапаров IV Элдик курултайдын датасын өзгөрттү

Президент Садыр Жапаров IV Элдик курултайды өткөрүү жөнүндөгү жарлыкка өзгөртүүлөрдү киргизди. Документке ылайык, IV Элдик курултай 25-декабрда өтөт.

Курултайдын датасынын өзгөрүүсүнүн себеби такталган жок.

Буга чейин 700 делегатка квоталардын тиркемеге ылайык бөлүштүрүлүшү, курултайды өткөрүү, делегаттарды шайлоо жана координациялоо боюнча уюштуруу комитети жөнүндө убактылуу жобо, уюштуруу комитетинин курамы бекитилгени кабарланган.

Эскерте кетсек, биринчи курултай 2022-жылдын 25-ноябрында Бишкекте өткөн. Экинчиси – 2023-жылдын 15-декабрында, үчүнчүсү – 2024-жылдын 20-декабрында болгон.

Автор: Жазгүл Жаңыбаева