Билим берүү тармагында мыйзам бузуулардын алдын алуу боюнча онлайн жыйын өттү

Бүгүн, 24-октябрда агартуу министринин орун басары Альберт Махметкулов райондук жана шаардык билим берүү башкармалыктарына, бөлүмдөрүнө мыйзам бузуулардын алдын алуу боюнча онлайн жыйын өткөрдү. Бул тууралуу министрликтин басма сөз кызматы кабарлады.

Маалыматка ылайык, жыйында министрдин орун басары 12 жылдык билим берүү саясатын ишке ашырууда жоопкерчиликтүү мамиле жасоонун зарылдыгын белгиледи.

Ошондой эле жарандык иденттүүлүктү өркүндөтүү боюнча ишти күчөтүүнү, башка агымдардын билим берүү процессине аралашуусуна жол бербөөнү, ар кандай жолдор менен мыйзамсыз акча каражаттарын чогултпоо тапшырмасын берди.

Автор: Жазгүл Жаңыбаева
Фото: Агартуу министрлиги