Бишкек-Ош жолундагы соода борборунун курулушу текшерилди

Мамлекеттик архитектура-курулуш көзөмөлдөө департаментинин Жалал-Абад аймактык башкармалыгы тарабынан Токтогул шаарында, Бишкек-Ош унаа жолунун боюнда курулуп жаткан соода борборунун курулушу текшерилди. Бул тууралуу Курулуш министрлиги билдирди.

Маалыматка ылайык, жол боюнда курулуп жаткан эки кабаттуу соода борборунда курулуш ченемдери сакталбагандыгы аныкталган. Натыйжада, курулуштун ээсине айып пул салынып, туура эмес коюлган кыш, пеноблок конструкциялары буздурулуп, бекемдөө менен кайрадан куруу талаптары коюлган.

Автор: Жазгүл Жаңыбаева
Фото: Курулуш министрлиги