Быйыл "Илбирс" кыздар командасы футбол боюнча өлкө чемпиондугун багындырды

Кыргызстандын кыз-келиндер арасындагы футбол чемпиондугу жыйынтыкталып, Бишкектин "Илбирс" клубу 2025-жылдын чемпиону болду. Бул тууралуу бүгүн, 3-ноябрда Кыргыз футбол биримдиги билдирди.

Акыркы оюнда алар "Азиягол-СИ" клубуна 1:2 эсебинде утулганы менен, жалпы упай боюнча биринчи орунду сактап калышты.

Мелдеш 14 турга созулду. Жыйынтык боюнча:

"Илбирс" - 39 упай;
"Азиягол-СИ" - 37 упай;
"Юность" (Майлуу-Суу) - 26 упай.

Сыйлык тапшыруу аземинде Кубок жана медалдарды командаларга Аялдар футбол ассоциациясынын президенти Салтанат Эгембердиева менен вице-президент Айдана Оторбаева тапшырды.

Автор: Замира Ниязбекова