Басма сөз күнүнө карата SUPER.KG порталы Курулуш министрлигинен Ыраазычылык кат алды

Бүгүн, 4-ноябрда Курулуш, архитектура жана турак жай-коммуналдык чарба министри Нурдан Орунтаев 7-ноябрь - Маалымат жана басма сөз күнүн утурлай жалпыга маалымдоо каражаттарынын өкүлдөрүн куттуктады.

Министр өлкөдө курулуш тармагында болуп жаткан алгылыктуу иштер менен бөлүшүп, негизги басым социалдык объекттердин курулушуна жасалып жаткандыгын айтты. Орунтаев бул багыттагы аткарылып жаткан иштерди коомчулукка жеткирүүдө басма сөз кызматкерлеринин салымы чоң экендигин кошумчалап, чыгармачылык ийгилик каалады.

Жыйында ЖМКлардын өкүлдөрү сыйланып, алардын катарында SUPER.KG порталы аталган министрликтен Ыраазычылык кат жана статуэтка алды.