Парламенттик шайлоого катышуудан бир катар талапкерлер баш тартышты

Бүгүн, 4-ноябрда Жогорку Кеңештин депутаттыгына талапкер кылып өзүн-өзү көрсөткөн жарандардын мөөнөтүнөн мурда өтүүчү парламенттик шайлоого катышуудан баш тартуу тууралуу арыздары каралды. Бул тууралуу Борбордук шайлоо комиссиясынан билдиришти.

Шайлоого катышуудан баш тартуу арыздарын төмөнкү жарандар беришкен:

Тургунбаев Чыңгыз Шакирбекович - №3 көп мандаттуу шайлоо округу боюнча талапкер;

Бостонов Сейтек Бостонович - №23 шайлоо округу боюнча талапкер;

Рысбаев Талантбек Казыбаевич - №14 шайлоо округу боюнча талапкер;

Жумабай уулу Бекболсун - №10 шайлоо округу боюнча талапкер.

БШК жогоруда аталган жарандардын арызын эске алып, Тургунбаев менен Рысбаевдин ыйгарым укуктуу өкүлдөрүнүн каттоосун жокко чыгарды.

Белгилей кетсек, шайлоо ушул жылдын 30-ноябрына белгиленген. Үгүт иштерине 10-ноябрда старт берилет.

Автор: Замира Ниязбекова