Дагы үч жаран парламенттик шайлоого катышуудан баш тартты

Борбордук шайлоо комиссиясы 4-ноябрда Жогорку Кеңештин депутаттыгына талапкер болуп катталган эки жарандын жана талапкер кылып өзүн-өзү көрсөткөн бир жарандын шайлоого катышуудан баш тартуу тууралуу арыздарын карады.

Шайлоого катышуудан баш тартуу арыздарын төмөнкү жарандар беришкен:

№14 шайлоо округу боюнча талапкер болуп катталган Мамасадыков Замирбек;
№30 шайлоо округу боюнча талапкер болуп катталган Ашимбаев Сабыркул;
№8 шайлоо округу боюнча өзүн-өзү талапкер кылып көрсөткөн Эрматов Арстанбек.

БШК Мамасадыковдун жана Ашимбаевдин каттоосун жокко чыгарды. Ал эми №8 шайлоо округу боюнча өзүн-өзү талапкер кылып көрсөткөн Эрматовдун арызы эске алынды.

Белгилей кетсек, шайлоо ушул жылдын 30-ноябрына белгиленген. Үгүт иштерине 10-ноябрда старт берилет.

Автор: Айжанар Рыспек кызы
Фото: БШК