Ак-Ордодо уурулук кылууга шектелген адам кармалды

Бишкекте уурулук кылууга шектелген адам кармалды. Бул тууралуу бүгүн, 5-ноябрда Ленин РИИБинин басма сөз кызматы билдирди.

Маалым болгондой, кылмыш 28-октябрда, күндүзгү саат 11 чамасында Бишкектеги Ак-Ордо конушунда болгон. Анда жергиликтүү тургундун үйүнөн 110 миң сом уурдалган.

Бул факт боюнча Кылмыш-жаза кодексинин 205-беренеси (Уурдоо) менен кылмыш иши козголгон.

Милиция кызматкерлери 1981-жылы туулган А.Т. аттуу шектүүнү кармашкан. Ленин райондук соту аны электрондук билерик тагуу шарты менен бошоткон.

Азыркы учурда тергөө иштери уланууда.

Автор: Ширин Марат кызы