Ташиев: "Дарыгерлердин айлык акысы сезилерлик көтөрүлөт"

Бүгүн, 5-ноябрда УКМКнын төрагасы Камчыбек Ташиев Саламаттык сактоо министрлигине караштуу Эне жана баланы коргоо улуттук борборуна барып, заманбап медициналык жабдууларды тапшырды.

Атайын кызматтын башчысы ал жакта дарыгерлер менен да жолугушуп, медицина кызматкерлеринин айлык акысы кийинки жылдын биринчи кварталынан баштап көтөрүлөрүн айтты.

"Биз билебиз, айлыгыңыздар аз. Азыр медицина жана агартуу кызматкерлеринин маянасы калды. Бул эки тармакта иштегендер көп болгондуктан тез көтөрө албай жатабыз. Буюрса, айлыгыңыздар сезилерлик көтөрүлөт", - деди ал.