ИИМ телефондук терроризм үчүн кылмыш жоопкерчилиги каралганын эскертет

Ички иштер министрлиги телефондук терроризмди токтотууга чакырган видеоролик жарыялады. ИИМ жарандарга телефондук терроризм үчүн кылмыш жоопкерчилиги каралганын эскертти.

"Телефондук терроризм – бул жардыруу, теракт же башка кооптуу жагдайлар тууралуу атайылап жалган маалыматтарды таратуу аракеттери. Мындай аракеттер эл арасында дүрбөлөң жаратат, атайын кызматтардын ишине тоскоолдук кылат жана оор кылмыш катары каралып, кылмыш жоопкерчилигине алып келет.

ИИМ жарандарды сак болууга, текшерилбеген маалыматтарды таратпоого, ошондой эле шектүү чалуулар же билдирүүлөр болгон учурда 102 номери аркылуу милицияга дароо билдирүүгө чакырат", - деп айтылат маалыматта.