Токмоктун мурдагы мэрине сот өкүмү чыкты

Токмок шаарынын мурдагы мэри Максат Нусубалиев 13 жылга эркиндигинен ажыратылды. Маалыматты Бишкек шаардык сотунун басма сөз кызматынан тастыктады.

Маалыматка ылайык, өкүмдү кечээ, 6-ноябрда Бишкектин Октябрь райондук соту чыгарган. Анда Нусубалиев Кылмыш-жаза кодексинин "Коррупция" беренеси боюнча күнөөлүү деп табылып, мүлкү конфискацияланып, мамлекеттик жана муниципалдык кызматты ээлөө укугунан ажыратылган. Эми ал жазасын жалпы режимдеги түзөтүү колониясында өтөмөкчү.

Эске салсак, 24-июнда УКМК башчысы Камчыбек Ташиев Токмок шаарында жыйын өткөрүп, жыйын учурунда шаар мэри Максат Нусубалиев кармалганы маалым болгон.

Автор: Кылымбек Бейшеев
Фото: Интернеттен алынды