Кечээ, 7-ноябрда Сауд Арабиясынын Эр-Рияд шаарында VI Ислам шериктештиги оюндарынын ачылыш аземи болуп өттү. Бул тууралуу Дене тарбия жана спорт мамлекеттик агенттиги билдирди.
Маалымдалгандай, иш-чара катышуучу өлкөлөрдүн делегацияларынын салтанаттуу параддык жүрүшү менен коштолду. Аталган оюндарга Кыргызстандын атынан 89 спортчу, 35 машыктыруучу жана команда мүчөлөрү катышат.
Агенттик кыргызстандык спортчулар жалпы 19 спорт түрү боюнча күч сынашарын белгилеп, оюндар 21-ноябрга чейин уланарын кошумчалады.