
Чүйдүн Аламүдүн районуна караштуу Ала-Арча капчыгайындагы Хижина Рацека чокусунда бутун кокустатып алган орусиялык альпинистке жардам көрсөтүлдү. Бул тууралуу Өзгөчө кырдаалдар министрлиги билдирди.
Маалыматка ылайык, ӨКМге кечээ, 8-ноябрда билдирүү түшөрү менен жерине 4 куткаруучу жөнөтүлгөн. Алар алгач 29 жаштагы альпинистке медициналык жардам көрсөтүшүп, саат 22:00дө аны Шаркыратма тилкесине алып түшүшкөн.
Саат 23:50дө куткаруучулар орусиялыкты Рацека лагеринен түшүрүп, Бишкек шаардык №4 ооруканасына жеткиришкен.