Бажы кызматынын кинологдору мелдешке катышып, 4 медалга ээ болушту (видео)

Бажы кызматынын кинологдору мекемелер аралык мелдеште үч алтын жана бир күмүш медаль жеңишти. Бул тууралуу видео соцтармакта тарады.

IV мекемелер аралык мелдеш Бишкектеги Ички иштер министрлигинин спорт комплексинде өттү. Турнирге өлкөнүн эң күчтүү кинологиялык бөлүмдөрү катышты.

Иттер багаждан, жүк ташуучу унаалардан жана жүргүнчү ташуучу унаалардан баңгизат табышы керек болгон.

Бажы кызматынан төмөнкүлөр катышты:

Кинологдорду даярдоо бөлүмүнүн улук инспектору, капитан Нурсултан Сарбагышев;
Баткен бажысынын кенже инспектор-кинологу Үсөн Талибаев, "Лорд" кызматтык ити менен;
"Северная темир жол бажысынын" кенже инспектор-кинологу Мырзабек Навитаев, "Ордас" кызматтык ити менен.