Сауд Арабиясында өткөн VI Ислам шериктештиги оюндарында өлкө курамасы жалпы 19 медаль жеңди. Бул тууралуу Дене тарбия жана спорт мамлекеттик агенттиги билдирди.
Маалымдалгандай, аталган турнир жыйынтыкталган. Ага 57 өлкөнүн спортчулары катышып, Кыргызстан командалык эсепте 14-орунду ээледи.
"Кыргызстандык спортчулар бир катар спорт түрлөрүндө медалдарга ээ болуп, өлкөнүн спортту өнүктүрүүгө жана эл аралык спорттук кызматташтыкты чыңдоого болгон умтулуусун тастыкташты", - деп айтылат маалыматта.