Айбек Бакытбеков "Ну-ка, все вместе!" шоусунда жогорку балл алды (видео)

Кыргыз ырчысы Айбек Бакытбеков Орусиядагы "Ну-ка, все вместе!" шоусунда жогорку балл алды. Бул тууралуу ал социалдык тармактагы баракчасында билдирди.

Маалымдалгандай, ал Александр Панайотовдун "Вечность" чыгармасын аткарып, сахнадагы күчтүү үнү менен көрүүчүлөрдү да, калыстарды да таасирлентти.

Бакытбековдун аткаруусу учурунда калыстардын басымдуу бөлүгү ордунан туруп, кол чаап, аны колдошту. Ал эми оригиналдуу ырдын аткаруучусу Александр Панайотов да анын талантын көрүп, "ырды жеткире ырдаганыңа таазим!" деп жогору баасын берди.

Калыстар белгилегендей, Айбек Бакытбеков эмгеги жана чыгармачылык духу менен айырмаланып, 100 калыстын ичинен 95 балл топтоду. Бул көрсөткүч – шоудагы жогорку жетишкендиктердин бири болуп саналат.