Ошто Ак-Тилек кичи районундагы көчө пайдаланууга берилди

Ош шаарынын мэри Жеңишбек Токторбаевдин жана жашоочулардын катышуусунда Ак-Тилек кичи районунун №3 көчөсүнүн ачылышы болду. Бул тууралуу шаардык мэриядан билдиришти.

Толук кандуу оңдоп-түзөөдөн өткөн көчөнүн узундугу 1,6 чакырым, туурасы 16 метрди түзөт.

Унаа жолунан тышкары тротуар жасалып, ирригациялык лотоктор орнотулду. Жол оңдоо иштери жергиликтүү бюджеттин эсебинен жүргүзүлдү.

Мэрдин тапшырмасы боюнча №3 көчөнү Мамыров көчөсүнө чыгаруу үчүн бир үй жана бир канча мыйзамсыз курулуштар буздурулган.

Автор: Айсулуу Урустамова