Бишкектеги мектептер 1-декабрга чейин онлайн окушат

Бишкекте бардык мектептер 25-ноябрдан 1-декабрга чейин онлайн-окутууга которулат. Бул тууралуу шаардык мэриядан билдиришти.

Окуу сабактары бекитилген окуу пландарына жана графиктерге ылайык онлайн форматта өткөрүлөт. Окуу программаларынан артта калуу болбойт. 2-декабрдан баштап сабактар кадимки форматта улантылат.

Ал эми борбор калаадагы жогорку окуу жайлар 25-ноябрдан 27-ноябрга чейин онлайн окууга өткөрүлөт.

Мындай чечим ЖККУ мамлекет башчыларынын кеңешинин жыйынына, ошондой эле алдыдагы шайлоого байланыштуу кабыл алынды.

Автор: Айсулуу Урустамова