Баткенде 10 000 орундуу стадиондун курулушунда топурактын үлгүлөрү алынды

Курулушту сертификаттоонун республикалык борборунун Түштүк аймактык башкармалыгы тарабынан Баткен шаарындагы Чет-Булак участкасында курулуп жаткан 10 000 орундуу стадиондун курулуш аянтындагы топурактан үлгүлөр алынды. Бул тууралуу Курулуш министрлиги кабарлады.

Маалыматка ылайык, сыноо иштери тапталган топурактын тыгыздыгын, сапатын аныктоого багытталган, бул келечектеги спорттук объекттин бекемдигин жана узак мөөнөттүүлүгүн камсыз кылуудагы негизги этаптардын бири болуп саналат.

Алынган үлгүлөр андан ары талдоо жүргүзүү үчүн лабораторияга жөнөтүлдү. Жыйынтыктар аткарылган жер иштеринин ченемдерге ылайыктуулугун баалоого мүмкүндүк берет жана кийинки курулуш конструкциялары үчүн негиздин ишенимдүүлүгүн тастыктайт.

Автор: Жазгүл Жаңыбаева