Нарын шаарынын мэриясы сатылып алган жаңы 11 автобустун 5и калаа тургундарын тейлөө үчүн каттамга чыгарылганын билдирди.
Маалымдалгандай, коомдук транспорттор шаардын батыш тарабынан чыгып Ленин, Шералиев жана Орозбаков көчөлөрү менен РТС жана Москва чөлкөмдөрүнүн акыркы аялдамаларына чейин каттайт. Калган 6 автобустун документ иштери бүтүрүлүп жатат.
Буга чейин министрлер кабинеттинин төрагасы Адылбек Касымалиев Нарынга барып, автобустардын ачкычтарын шаар мэри Жайнак Немат уулуна тапшырганы кабарланган болчу.