Жапаров ЖККУнун баш катчысына I даражадагы ардак белгисин тапшырды

Президент Садыр Жапаров кызматтан кетип жаткан ЖККУнун баш катчысы Имангали Тасмагамбетовго уюмдун I даражадагы ардак белгисин тапшырды.

Тасмагамбетовдун узак жылдардагы эмгеги жана ЖККУнун өнүгүшүнө кошкон салымы жогорку баага татыды.

Ал эми 1-январдан тарта ЖККУнун баш катчысы кызматына Таалатбек Масадыков келери кабарланды.

Белгилей кетсек, Жамааттык коопсуздук келишим уюмунун кезектеги жыйыны бүгүн, 27-ноябрда өлкө башчы Садыр Жапаровдун төрагалыгы алдында Бишкек шаарында өтүүдө. Ага уюмга мүчө мамлекеттердин башчылары, тагыраагы, Беларустун президенти Александр Лукашенко, Казакстандын лидери Касым-Жомарт Токаев, Орусиянын башчысы Владимир Путин жана Тажикстан мамлекет башчысы Эмомали Рахмон катышып жатат.