"Аалам сулуусу-2025" сынагынын катышуучусу Мэри Кувакованы аэропорттон тосуп алышты (видео)

Кыргызстандын атынан "Аалам сулуусу-2025" сынагына катышкан 19 жаштагы Мэри Кувакова өлкөгө кайтып келди. Бийкечти аэропорттон жакындары жана күйөрмандары тосуп алышты.

Мэри Кувакова сынактын жүрүшүндө кыргыздын улуттук оюулары түшүрүлгөн жана бүркүттүн элесин чагылдырган өзгөчө көйнөк кийип чыгып, күйөрмандарынын жогорку баасына татыган.

Белгилей кетсек, аталган сынактын жеңүүчүсү мексикалык катышуучу Фатима Бош Фернандес болду. Сулуулардын таймашына дүйнөнүн ар кайсы бурчунан барган 130дан ашуун өлкөнүн өкүлдөрү катышкан.