Унаага отурам деп ыйлап... Кичинекей бөбөктүн кыялын орундаткан милиция кызматкери (видео)

Социалдык тармактарда кайгуул кызматынын кызматкеринин унаасынын жанынан кетпей чыр салган бөбөктүн видеосу тарады.

Аталган окуянын күбөсү болгон милиция кызматкери кичипейилдик менен наристени унаанын ичине отургузуп, андагы жабдыктар менен тааныштырган.

Ал эми ЖКККББ басма сөз кызматы милиция кызматкерлери тартипти сактоо менен гана чектелбестен, балдарды ар дайым колдоого даяр экенин билдирди.

"Биздин кызматкерлер мыйзамдуулукту жана тартипти сактоо менен гана чектелбестен, зарыл жана коопсуз учурларда жарандарды, балдарды колдоого дайым даяр",- деп билдирди башкармалык.