
Нарын облусунун Ат-Башы районунда тоо текелерди мыйзамсыз аткан жаран кармалды. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка ылайык, 29-ноябрда райондук инспекторлор тарабынан рейддик иш-чара өткөрүлгөн. Анда Ат-Башы районунун Босого жайлоосунан Б.Ш. аттуу жаран 2 тоо текенин этин мыйзамсыз жол менен олжологон.
Учурда окуя боюнча тиешелүү тергөө амалдары жүргүзүлүп, мыйзам чегинде баа берүү иштери улантылууда.