Кыргызстандык жигит Бакыт Кадыров Испаниянын Мадрид шаарында өткөн жиу-житсу боюнча дүйнө чемпиондугунда алтын медаль утту.
Кадыров 85 килограммга чейинки салмак категориясында мелдешип, күрөштү 1/4 финалдан баштады. Алгачкы кармашында латвиялык Алексей Зайцевди 10:0 эсебинде жеңип, жарым финалга чыкты. Андан кийин испаниялык Хосе Фернандести дагы утуп, финалга жол алды.
Чечүүчү беттеште Кадыров бельгиялык спортчу Мишель Мерси менен кармашып, дагы бир ирет 10:0 эсебинде жеңди.
Мелдеш 27-ноябрда башталып, 1-декабрда жыйынтыкталган.