Кантта УКТ мүчөсү бейбаштыкка шектелип кармалды

Кант шаарында бейбаштык кылган деген шек менен уюшкан кылмыштуу топтун 33 жаштагы мүчөсү кармалды. Бул тууралуу Чүй облустук ички иштер башкармалыгы билдирди.

Маалыматка ылайык, милицияга кайрылган жаран кечээ, 10-декабрда болжол менен саат 01:20 чамасында шаардын Ленин көчөсүндө мас абалындагы киши атайылап дене жаракатын келтиргенин билдирген.

Бул факт боюнча Кылмыш-жаза кодексинин 280-беренеси (Бейбаштык) менен кылмыш иши козголгон. Кармалган шектүү убактылуу кармоочу жайга киргизилген. Учурда териштирүү иштери уланууда.

Автор: Кылымбек Бейшеев