Бишкек абасынын тазалыгы орточо шаарлардын катарына кирди

Бишкек дүйнөдөгү абасынын тазалыгы орточо делген шаарлардын катарына кирди. Бул тууралуу дүйнөдөгү абасы кир жана абасы таза шаарлардын рейтингин чыгарган World Air Quality уюму жарыялады.

Аталган уюмдун 12-декабрдагы чыгарган маалыматына ылайык, борбор калаанын абасы "орточо" деп табылып, абадагы зыяндуу РМ 2,5 заттарынын көлөмү азайган. Муну менен Бишкек шаары абасы кир делген шаарлардын катарында 85-орунга түшкөн.

World Air Quality уюмунун чыгарган рейтингинде Бишкектин абасы "абасы таза" делген шаарлардын катарына кирүүгө аз эле калганын көрүүгө болот.

Автор: Бурул Турусбекова