Бишкекте райондук прокуратуранын жаңы имараты ачылды

Бүгүн, 12-декабрда Бишкек шаарында Октябрь райондук прокуратурасынын жаңы административдик имаратынын ачылыш аземи болду. Иш-чарага башкы прокурор Максат Асаналиев, мамлекеттик бийлик органдарынын, укук коргоо түзүмдөрүнүн өкүлдөрү катышышты.

Мекемеден билдиргендей, имарат заманбап талаптарга ылайык курулуп, бардык тийиштүү шарттар түзүлгөн.

"Бул имараттын ишке берилиши жөн гана жаңы курулуштун пайдаланууга тапшыруу эмес, коомубузда мыйзамдуулукту жана адилеттүүлүктү чыңдоого багытталган маанилүү кадам. Өлкө башчыларыбыздын жүргүзүп жаткан натыйжалуу иштеринин жыйынтыгы болуп саналат", - деп белгиледи Асаналиев.

Автор: Айжанар Рыспек кызы
Фото: Башкы прокуратура