Бишкек жана Кара-Балта шаарларында жаңы көмүр кампалары ачылды. Бул тууралуу "Кыргыз көмүр" ишканасынан билдиришти.
Ага ылайык, борбордогу Лев Толстой көчөсү, 98А дарегинде жаңы көмүр кампасында "кара алтын" 5800 сомдон сатылууда. Ал жерге 5 вагон көмүр келип түштү, мындан ары көмүр туруктуу түрдө жеткирилип турат.
Ал эми Кара-Балта шаарынын Пальмира Тольятти көчөсү, 1Б дарегинде дагы бир көмүр кампасы ишке кирди. Бул жерге да 5 вагон көмүр жеткирилди. Анда көмүрдүн наркы 6300 сом. Аталган кампадан Панфилов жана Жайыл райондорунун тургундары көмүр сатып ала алышат.