Бишкекте баңгизат сатууга шектелип 22 жаштагы жигит кармалды

Бишкекте синтетикалык баңгизаттарды сатууга шектелип 22 жаштагы жигит кармалды. Бул тууралуу борбор калаанын милициясы бирдирди.

Маалыматка ылайык, шектүү Үч-Коргон жана Журнальная көчөлөрүнүн кесилишинде текшерүүгө алынып, курткасынын оң чөнтөгүнөн 28 таңгак синтетикалык баңгизат табылган. Аталган зат Telegram мессенжериндеги интернет-дүкөн аркылуу андан ары сатууга багытталган.

Аталган факт боюнча Кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун мыйзамсыз даярдоо, жасоо же сатуу максатында сактоо) менен кылмыш иши козголгон.

Учурда тергөө иштери уланууда.