Бишкекте мас абалында автоунаа башкарууга шектелип Toyota үлгүсүндөгү унаанын айдоочусу кармалды. Бул тууралуу ЖКККБнын басма сөз кызматы кабарлады.
Маалыматка ылайык, аталган айдоочу менен сүйлөшүү учурунда андан спирт ичимдигинин жыты чыккан. Белгиленген тартипте айдоочу наркологиялык мекемеге жеткирилип, медициналык текшерүүнүн жыйынтыгында алкоголь ичимдигин колдонгону аныкталган.
Аталган факт боюнча айдоочуга карата укук бузуулар жөнүндө протокол түзүлүп, унаасы айып короосуна токтотулганы маалым болду.