Кызыл-Кыяда дүкөндөрдө уурулук жасаган деп эки тургун кармалды

Баткен облустук милициясы Кызыл-Кыяда дүкөндөрдө уурулук жасаган деген шек менен эки жаран кармалганын билдирди.

Милицияга ушул жылдын ноябрь айынан тартып Кызыл-Кыя шаарында түнкү убакта дүкөндөрдү бузуп кирүү жолу менен уурулук фактылары катталып, жарандардан ички иштер органдарына бир нече арыз түшкөн.

Аталган фактылар боюнча Кылмыш-жаза кодексинин 205-беренеси (уурдоо) боюнча кылмыш иштери козголгон.

Шектүү катары Ош облусунун Ноокат районунун 33 жаштагы тургундары Т.Р. жана К.М. кармалып, тиешелүү тартипте тергөө бөлүмүнө өткөрүлүп берилди.

Учурда тергөө амалдары улантылууда.

Автор: Айжанар Рыспек кызы
Фото: Баткен ОИИБ