Шүкүр Исмаилов муфтийдин орун басары болуп дайындалды

Бүгүн, 23-декабрда Кыргызстан мусулмандарынын муфтийинин орун басары болуп Шүкүр Исмаилов дайындалды. Тиешелүү буйрукка муфтий Абдулазиз Закиров кол койду.

Шүкүр Исмаилов 1973-жылы Ош облусунун Чоң-Алай районунда туулган. Жогорку билимин юриспруденция жана араб тили боюнча алган. Ошондой эле ислам укугу жана Кыргызстандагы ислам тарыхы багытында илимий даражалары бар. Диний билимин Кара-Балтадагы Хазрети Осмон атындагы Ислам институтунда жана Восточное айылындагы Аннамузажийя медресесинде алган.

Ал Ислам университетинде декан, кафедра башчысы, илимий-изилдөө институтунун директору, диний билим берүү бөлүмүнүн башчысы болуп эмгектенген.

Автор: Меерим Кабылова