Баткенде 500 миң сомго жакын алимент төлөбөй жүргөн жаран кармалды

Баткен облусунун Кадамжай районунда алимент төлөбөй жашырынып жүргөн жаран кармалды. Бул тууралуу 24-декабрда Баткен облустук ички иштер башкармалыгынан билдиришти.

Маалыматка ылайык, Ак-Турпак айылылынын 35 жаштагы Т.Э. аттуу тургуну балдарына төлөнө турган 474 миң 856 сом алиментти төлөбөй, мыйзамдык жоопкерчиликтен качып жүргөн.

Аталган факт боюнча Кылмыш-жаза кодексинин 178-беренесинин 2-бөлүгү менен кылмыш иши козголуп, ыкчам-иликтөөлөрдүн негизинде Т.Э. Кызыл-Кыя шаарынан кармалды.

Азыркы учурда тергөө иштери жүрүүдө.

Автор: Меерим Кабылова