Бишкекте кафеде мушташкан деп эки жаран кармалып, убактылуу кармоочу жайга киргизилди. Бул тууралуу шаардык милиция билдирди.
Такталгандай, милицияга 2-январда саат 03:33 чамасында Сухэ Батор көчөсүндө жайгашкан кафелердин бириндеги мушташ боюнча билдирме түшкөн.
Аталган факт Октябрь РИИБиде катталып, тергөөгө чейинки текшерүү иштери башталган.
Тиешелүү иш-чаралардын жүрүшүндө 1992-жылы туулган М.А., жана 1993-жылы туулган С.Э. аттуу жарандарга Укук бузуулар жөнүндө кодекстин 126-беренесине (Майда бейбаштык) ылайык протокол түзүлүп, убактылуу кармоочу жайга киргизилди.